Pam gweithio gydag UHOVI?
Mae ein rhaglenni Dysgu Seiliedig ar Waith yn annog datblygiad proffesiynol staff ar bob lefel, o lefel Prif Weithredwr i staff sy'n gweithio ar lawr y siop. Mae UHOVI yn cynnig cyrsiau arwain a rheoli, graddau sylfaen i ddarparu sgiliau a gwybodaeth uwch, neu gyrsiau byr un tro pan fo angen. Dyma bedwar rheswm i weithio gydag UHOVI:
1. Buddsoddwch yn eich pobl...
Pa un a ydych angen datblygiad arbenigol i uwch reolwyr neu i ehangu gwybodaeth eich staff, mae buddsoddi mewn pobl bob amser yn werth ei wneud. Byddwch yn gallu cadw i fyny â datblygiad cyfredol ac ennill mewnwelediad i theori ac ymarfer arloesol yn eich sector. Mae UHOVI yn cynnig dilyniant esmwyth i astudiaeth bellach, felly mae llawer o gyfleoedd i bobl sydd eisiau parhau â'u hastudiaethau. Gallai gweithwyr ennill credydau am astudio neu brofiad gwaith blaenorol sy'n cyfrannu at gymhwyster addysg uwch.
2. ...a byddwch ar eich ennill
Bydd staff sydd ag arbenigedd a gwybodaeth yn helpu i gadw'ch busnes ar y trywydd iawn a bydd yn talu'n ôl ar ei ganfed. Gallech hyd yn oed gael cysylltiadau newydd wrth i weithwyr rwydweithio gyda myfyrwyr o fusnesau eraill. Hefyd, bydd gweithlu uchel ei gymhelliant yn arwain at gynhyrchedd gwell, twf yn eich busnes, a chyflawni eich dangosyddion perfformiad allweddol.
3. Ein harbenigedd ar flaenau'ch bysedd
Gyda chymorth arbenigwyr diwydiant yn ein partneriaid prifysgol a choleg, byddwch yn sicr fod pob rhaglen UHOVI o'r safon uchaf. Gellir gwarantu sicrhau ansawdd wrth ddatblygu a chyflwyno ein cyrsiau, felly cewch ymddiried ynom eich bod yn cael hyfforddiant o safon sydd wedi'i gymhwyso'n uniongyrchol i'ch gweithle chi.
4. Hyfforddiant pwrpasol
Mae ein rhaglenni hyfforddiant hyblyg yn cyd-fynd â'ch anghenion a chynhwysedd. Cewch ddewis o amrywiaeth eang o fodiwlau presennol a rhaglenni neu gallwn ddatblygu pecynnau dysgu sydd wedi'u cynllunio'n benodol i'ch anghenion unigol. Gellir cyflwyno llawer o'n cyrsiau yn eich gweithle chi, felly ni fydd angen i'ch staff fod i ffwrdd o'u gwaith am gyfnodau hir.
