Ffioedd a Chymorth
Gall y sgiliau a'r cymwysterau cywir arwain at bob math o gyfleoedd. Yn ogystal â bod yn hwyl ac yn foddhaus, gall dysgu eich helpu i gael swydd neu ddringo'r ysgol yn eich gyrfa ddewisol. Ein nod yn Athrofa Prifysgolion Blaenau'r Cymoedd (UHOVI) yw eich helpu i ddechrau ar eich taith ddysgu er mwyn i chi gyflawni eich uchelgais. Ynghyd â'n sefydliadau partner, byddwn yn rhoi gwybodaeth a chanllawiau i chi a fydd yn eich helpu i fanteisio ar y cymorth ariannol a gynigir.
Beth yw'r gost?
Mae amrywiaeth o grantiau, cynlluniau bwrsariaeth, benthyciadau a chynlluniau tâl ar gael i'ch helpu gyda ffioedd cyrsiau. Gan ddibynnu ar eich amgylchiadau personol, mae'n bosibl y byddwch yn gymwys ar gyfer cymorth ariannol, a gallai hyn olygu bod cymhorthdal ar gael, neu gallai'ch cwrs fod am ddim hyd yn oed. Bydd y wybodaeth isod yn eich helpu i ddeall y costau perthnasol a'r cymorth ariannol sydd ar gael.
Ffioedd cyrsiau rhan-amser:
Cost y rhan fwyaf o gyrsiau blasu a chyrsiau byr yn UHOVI yw £10.75* fesul credyd. Golyga hynny fod modiwl cwrs byr 10 credyd yn costio £107.50* a bydd Gradd Sylfaen ran-amser lle byddwch yn astudio 60 credyd y flwyddyn yn costio £645* y flwyddyn yn 2011/12. Gallech fod yn gymwys am Gynllun Bwrsariaeth UHOVI neu gymorth ariannol, sy'n golygu y gallai'r gost fod yn llai na hynny - cliciwch yma am ein taflen ar Ffioedd a Chymorth Ariannol i Fyfyrwyr Rhan Amser 2011/12.
Mae cymwysterau proffesiynol yn cael eu prisio'n uniongyrchol.
Ffioedd cyrsiau amser llawn:
Mae pris cyrsiau amser llawn yn unol â'r gyfradd safonol, sef £3,375 y flwyddyn. Er hynny, mae cymorth ariannol ar gael - cliciwch yma am ein taflen ar Ffioedd a Chymorth Ariannol i Fyfyrwyr Rhan Amser 2011/12..
*Bydd ffioedd yn amrywio 10% gan ddibynnu ar y partner cyflwyno. Gwiriwch yr union gostau cyn cyflwyno'ch cais.
Pa gymorth ariannol sydd ar gael?
Yn achos myfyrwyr amser llawn, mae'n bosibl y byddwch yn gymwys i wneud cais am Fenthyciad Ffioedd Dysgu i'ch helpu gyda'r costau, ynghyd â Benthyciad Cynhaliaeth a asesir trwy brawf modd a/neu Grant Dysgu'r Cynulliad neu Grant Cymorth Myfyrwyr i'ch helpu gyda'ch costau byw. Does dim rhaid ad-dalu unrhyw fenthyciadau a gewch yn ystod eich astudiaethau nes i chi gwblhau'r cwrs a'ch bod yn ennill o leiaf £15,000 y flwyddyn (os ydych yn gweithio yn y DU). Mae rhagor o wybodaeth am fenthyciadau, yn cynnwys manylion am gyfraddau llog ac ad-daliadau i'w cael yn http://www.cyllidmyfyrwyrcymru.co.uk
Yn achos myfyrwyr rhan-amser, efallai y byddwch yn gymwys i wneud cais am Grant Ffioedd a asesir trwy brawf modd i'ch helpu gyda'ch ffioedd dysgu a Grant Cyrsiau i helpu tuag at gostau astudio.
Mae hefyd gymorth ariannol ychwanegol a asesir drwy brawf modd a allai fod ar gael i fyfyrwyr sydd â phlant neu oedolion sy'n dibynnu arnynt yn ariannol. Gallai hyn ddarparu grant i helpu gyda chostau byw a gofal plant, er enghraifft.
Gallai myfyrwyr ag anableddau gael help gyda chostau sy'n gysylltiedig â'u cwrs sy'n codi o ganlyniad i'w hanabledd. Mae'r cymorth ariannol hwn yn cael ei alw'n Lwfans Myfyrwyr Anabl ac nid yw'n cael ei asesu drwy brawf modd.
Am ragor o wybodaeth ar y cymorth ariannol sydd gael, lawrlwythwch ein taflenni sy'n cynnwys manylion o'r ffioedd a'r cymorth sydd ar gael i fyfyrwyr rhan amser neu llawn amser. Fel arall, gwelwch Cyllid Myfyrwyr Cymru http://www.cyllidmyfyrwyrcymru.co.uk am wybodaeth neu i wneud cais, neu mynnwch sgwrs â'ch awdurdod lleol.
Ffoniwch ni ar 0800 1223 220 am ragor o fanylion neu e-bost studentsupport@uhovi.ac.uk.