Cymorth i Gyflogwyr
Mae'r portffolio dysgu seiliedig ar waith, ynghyd â'r cynllun Llwybrau Busnes Graddau Sylfaen - sy'n cwmpasu'r Graddau Sylfaen mewn Menter Busnes a Rheoli, yn ogystal ag Ymarfer Busnes a gynhelir gan UHOVI - yn bosibl drwy nawdd Rhaglen Cydgyfeiriant Cronfa Gymdeithasol Ewrop (ESF) Gorllewin Cymru a'r Cymoedd a reolir gan Brifysgol Morgannwg ar ran y sector Addysg Uwch ac Addysg Bellach yng Nghymru.
Os ydych mewn cyflogaeth sector preifat ac yn byw a/neu'n gweithio yng Ngorllewin Cymru a'r Cymoedd, gallech fod yn gymwys am le ar y cyrsiau hyn sy'n cael eu cyllido'n llawn neu'n rhannol (os ydych yn bodloni'r amodau).
Mae'r Radd Sylfaen a'r Rhaglenni Dysgu Seiliedig ar Waith sy'n cael eu hariannu gan nawdd ESF yn darparu cyfleoedd i gyfranogwyr mewn cyflogaeth sector preifat ennill sgiliau a chymwysterau lefel uwch. Mae pob partneriaeth prosiect Addysg Uwch ac Addysg Bellach yn gweithio gyda'r Cynghorau Sgiliau Sector a chyflogwyr i sicrhau bod sgiliau lefel uwch yn bodloni anghenion y sectorau perthnasol.
