Croeso i UHOVI

Croeso i UHOVI (Athrofa Prifysgolion Blaenau'r Cymoedd) sy'n fenter addysgol arloesol a chyffrous sy'n darparu cyfleoedd newydd i bobl a busnesau lleol.

Hanfod UHOVI yw gwella sgiliau a chymwysterau drwy wneud dysgu yn fwy hygyrch yn lleol. Yn y pen draw, bydd hyn yn cyfrannu at adfywiad y Cymoedd, gan wella rhagolygon swyddi ac ansawdd bywyd i'r sawl sy'n byw ac yn gweithio yn yr ardal. 

Rydym yn cynnig amrywiaeth eang o gyrsiau addysg uwch mewn nifer o bynciau gwahanol sy'n amrywio o ran hyd. Does dim ots p'un a ydych yn gyflogedig ai peidio, ac nid yw cymwysterau bob amser yn ofynnol oherwydd ein bod yn ystyried profiad bywyd a phrofiad gwaith hefyd. Mae cyrsiau wedi'u cynllunio i fodloni anghenion diwydiannau presennol yr ardal ynghyd â'r rhai sy'n tyfu, felly mae'r hyfforddiant a'r profiad a enillwch yn berthnasol i'r byd busnes lleol.

Gyda chymorth Llywodraeth Cymru, mae UHOVI yn bartneriaeth strategol rhwng Prifysgol Morgannwg a Phrifysgol Cymru Casnewydd. Mae UHOVI yn gweithio'n agos â cholegau addysg bellach a darparwyr hyfforddiant, awdurdodau lleol, busnesau, ysgolion a'r sector gwirfoddol i ddangos sut y gall ymdrech ar y cyd wneud gwahaniaeth mawr.

Felly, os oes gennych ddiddordeb mewn dilyn cwrs gwahanol, gwelwch beth sydd gan UHOVI i'w gynnig i chi. Cysylltwch â ni i roi cychwyn ar eich taith ddysgu.